Fesili & Tali i le Managed Isolation Allocation System

Aisea e moomia ai se allocation system?

Ua saunia le Managed Isolation Allocation System e faatonutonu lelei ai le gasolo mai o tagata malaga ua taunuu mai i Niu Sila, ma mafai ai e le vaega o loo puleaina le faanofoesea ma le vaavaaia o tagata (Managed Isolation and Quarantine - MIQ) ona iloa lelei le aofai o tagata ua ulufale mai i totonu o le taunuu ma potu o loo avanoa i nofoaga o loo puleaina ai le faanofoesea o tagata.

Pe moomia e tagata o umia visa ona maua se Managed Isolation Allocation Voucher e ulufale mai ai i totonu o le atunuu?

O le fuafuaga o le Managed Isolation Allocation System e faatatau i pasese uma e taunuu i totonu o Niu Sila mai le 8am, aso 5 Oketopa, e aofia ai le toatele o tagata o loo umia visa.  E toalaiti lava tagata o le a tuusaunoaina latou te lē moomia se voucher e mafai ai ona malaga mai i se faigamalaga mo Niu Sila. 

O ai o le a tuusaunoaina mai le faaaogāina o le Managed Isolation Allocation System?

E toalaiti tagata o le a tuusaunoa mai le moomia ona faaaogā le Managed Isolation Allocation System ma le faailoa o se voucher pe a ulufale i se faigamalaga.  O le toatele o tagata taitoatasi nei e moomia pea ona nonofo i nofoaga o loo pulea ma vaavaaia ai le faanofoesea.  O le a eseese nofoaga e vaavaaia ai i latou. 

O i latou ua tuusaunoa mai le faaaogāina o le Allocation System e ono talosagaina pe a siaki pepa malaga poo le taimi e ulufale ai i se faigamalaga, e faailoa se faamaoniga o le tuusaunoaina o i latou e pei o se ID poo se tusi aloaia o le tuusaunoaina. 

E faapefea ona maua e tagata malaga se voucher?

E mafai ona maua vouchers mai le initaneti mo le Managed Isolation Allocation System mai le 8am, aso 5 Oketopa. 

E tatau i tagata o loo faaaogāina vouchers ona fai se account e mafai ai ona faaaogā le Managed Isolation Allocation System. O le a mafai i le account a lea tagata ona faamautu ai se potu e nonofo ai i le nofoaga o loo pulea ai le faanofoesea, mo lona aiga o loo malaga faatasi, poo isi tagata taitoatasi poo isi vaega. 

E fa auala e fai e maua ai se voucher:

  1. Lesitala mo se pasese e toatasi poo se aiga o loo malaga faatasi.

    Tusi faamatalaga mo le pasese e toatasi poo tagata uma o loo malaga faatasi. E tatau i ulugalii o loo malaga faatasi ona faatumu le 'family registration.'
  2. Taofi se apitaga
    Filifili le aso o fuafua e taunuu ai i totonu o Niu Sila mo le tagata e toatasi poo se vaega.  O le nofo ai i le nofoaga e pulea ai le faanofoesea mo le 14 aso, e amata mai le aso lea, o le a taofia ai mo le isi 48 itula a o faatulaga so latou avanoa e malaga ai.
  3. Faamautu se avanoa e malaga ai, ia faamautinoa e tutusa lelei le aso e taunuu ai le faigamalaga i Niu Sila ma le aso na ta'ua i le Managed Isolation Allocation System. Toe tagai i le upega tafailagi ma tusi faamatalaga o le faigamalaga i le faiga ua saunia e faamautu ai le nofoaga o le a faanofoesea ai.
  4. Lolomi pe fai se kopi o le voucher i lau telefoni
    E otomeki lava le maua o le voucher i se faiga e mafai ona lolomi pe kopi i lau telefoni pe a faamaonia le nofoaga o le a faanofoesea ai. O le a tuuina atu foi se kopi i le imeli.  O le a talosagaina e kamupani vaalele tagata malaga e faaali a latou vouchers ua uma ona lolomi i se laupepa poo le telefoni feaveai a o lei ulufale i se faigamalaga. 

O le a talosagaina e kamupani vaalele tagata malaga e faaali le Managed Isolation Allocation Voucher pe a siaki pepa malaga poo le taimi o le a ulufale atu ai i le vaalele mo se faigamalaga mo Niu Sila.  E ono talosagaina foi le faaali o le voucher i malaevaalele o loo faaauau ai se faigamalaga mo Niu Sila. 

Pe ono faatuai se faigamalaga i Niu Sila ona o le Managed Isolation Allocation System?

E silia ma le 7,000 tagata e mafai ona nonofo i nofoaga o loo pulea ma vaavaaia ai le faanofoesea.  E leai se manatu o le a faatuai ai fua se faigamalaga i Niu Sila talu ai le Managed Isolation Allocation System.

E iai se tupe e totogi mo le voucher?

Leai. Peitai e iai nisi tagata e ono moomia ona latou totogia le nonofo ai i nofoaga o loo pulea poo vaavaaia ai le faanofoesea.  Tagai i le Charges for managed isolation mo nisi faamatalaga i tupe totogifuapuaina.

O le ā le mea e tupu pe afai ua moomia faafuasei ona malaga se tasi peitai e lē o iai ni nofoaga o avanoa i le taimi lea i le faiga ua faia nei?

Matou te iloa e iai nisi o tulaga e ono moomia vave ai ona toe foi mai tagata i Niu Sila. O loo matou faia galuega i le taimi nei i se faiga e gafatia ai tulaga faapenei. Faamolemole tagai i le upega tafailagi a le MIQ mo nisi faamatalaga. 

Pe mafai e tagata malaga ona filifili le nofoaga e faanofoesea ai?

Leai. E lē faatagaina i le Managed Isolation Allocation System le filifili e tagata malaga o le nofoaga e nonofo ai.  O pasese o loo malaga mai faatasi i se faigamalaga e masani ona faanonofo faatasi i le nofoaga e tasi e faanofoesea ai, se'i vaganā i latou o feagai ma tulaga e matuā lamatia ai i le COVID-19, o le a ave i le nofoaga e vaavaaia le faanofoesea o i latou.

Pe mafai ona nonofo faatasi aiga i le nofoaga e tasi o loo pulea ai le faanofoesea?

Ioe. E mafai i aiga na malaga faatasi ona lesitala i le Managed Isolation Allocation System e faaaogā ai le 'family registration' mo vaega e oo atu i le to'a 12 tagata.  O le a faanonofo sui o lea vaega i potu eseese i le nofoaga e tasi pe a mafai. 

O aiga e silia ma le to'a 12 tagata, o i latou nei e tatau ona faia ni lesitala se lua pe sili atu.  E tatau i lesitala taitasi ona faailoga le pusa o ta'ua ai le ‘Special Requests or other information’ i lalo o le ‘Step 2’, mo i latou e lua (pe sili atu) lesitala mo se aiga toatele ma e mananao e faanofoesea faatasi.  E tofu lava le lesitala ma le voucher e tasi. 

O i latou o loo malaga faatasi ae lē aiga, e tatau ona fai accounts mo tagata taitoatasi se'i vaganā ua latou mananao e nonofo faatasi i se potu i le nofoaga e pulea ai le faanofoesea.

Pe moomia ona maua se voucher e nisi pe afai na faatulaga le faigamalaga a o lei faasalalauina tuusa'o le Managed Isolation Allocation System?

E fautuaina malosi le saili o se Managed Isolation Allocation Voucher, pe afai e taunuu le faigamalaga a o iai i le vaitaimi faatagaina ua faatulaga mai le 8am, aso 5 Oketopa i le 11.59pm, aso 2 Novema,

Afai e taunuu le tou faigamalaga i Niu Sila i le te'a o le 12am, aso 3 Novema, o le a moomia ona maua se voucher, e tusa lava poo anafea na faatulaga ai le tou pepa malaga.

O nisi tagata malaga na faatulaga faigamalaga a o lei faia le faasalalauga tuusa'o o le faiga ua faia nei, e ono leai ni avanoa e maua i le Allocation System i le aso e taunuu ai.  O le a faataatia se faiga e mafai ai e i latou nei ona talosaga mo se Managed Isolation Allocation Voucher. Faamolemole tagai i le upega tafailagi a le MIQ mo nisi faamatalaga.

O fea e maua ai e tagata le fesoasoani mo le faaaogāina o le Managed Isolation Allocation System?

Afai o iai nisi au faafesili, faamolemole faafesootai le MIQ Service Centre i le 0800 476 647 (totonu o Niu Sila) poo le +64 4 931 5720 (fafo atu o Niu Sila). E ono totogi se tupe. E mafai foi ona tuuina atu lau faafesili i le MIQ Service Centre i le allocationsupport@miq.govt.nz pe tuuina atu i le upega tafailagi a le MIQ. E tatala le Service Centre mai le 0800 – 2200 (NZST), fitu aso o le vaiaso.