Tuvaluan

Fakailoaga taua mo koe manafai ko nofo koe i te koga ko te MIQ (Fakatafa Puipui Kolenitini)

Talofa kae Kia Ora

E isi ne tino ia koutou ko fakatoka o olo ki te Koga Fakatafa Puipui Kolenitini (MIQ) koga puipui tela kafai ko iloa tonu i a koe ne iloilo ko pokotia io mene nofo pili ki se tino ko fakamaoni mai me ko pokotia.

Te pogai o te fakatokaga o te puipuiga tenei ko te mea ke mautinoa ia koe ko se pokotia ne te COVID-19 manafa ko foki koe ki tou komiuniti.

MIQ  se vaega taua e fakagata ei te pisi o te COVID kae ke puipui ei a tou komiuniti.

E fakafetai atu matou ona ko te fai o tou tusaga o tausi a koe, mo tou kaiga mo latou e alofa koe ki ei, tino galue mo komiuniti ke puipuigina.

Ke fesoasoani atu ki a koe i tou nofo i te koga ko te MIQ- Fakamolemole amanaia a fakanofoga taua konei

Mea e tau o Fakatoka

E manakogina ne matou ke vau koe mo mea katoa kola e manakogina o fakaaoga i aso takitasi pela:

●        Gatu: ke lava mo se lua vaiaso te leva.

●        Ou vailakau: Fakamolemole masaua  fano faeloa mo ou vailakau i taimi katoa.

●        Meafakapitoa: e pela, tau mea fulugutu mo te pulasi o nifo, vele mo nisi mea pena.

Mea e fakafiafia ei koe mo tamaliki manafai e isi. Mea sokotaki e mafai ei o sokotaki koe mo kaiga mo tino katoa mai tou potu.

MIQ Fakagaluegaga

E ui ei te koga fakapitoa mo te puipuiga tenei ko te hotelo, ko kese mai ona  fakaogaga e pela eiloa mo fakagaluegaga masani o hotelo.

Potu

●        Ka tuku atu tou potu i te koga puipui fakapitoa i se leva tela e manakogina ke nofo ei koe.

●        E aofia foki ei te aofaki o tino kola ka nofo mo koe.

TV mo te WIFI

●        E tau o isi se TV mo se Wi-Fi i tou potu e seai se togi.

Pulagiketi

●        A tou moega e avatu ne latou kae masaua me isi foki eiloa ne mea fakapitoa e mafai o vau mo koe mai tou fale kola e manako koe ki ei.

Meakai:

●        Te kaiga i te taeao, tutonu mo te afiafi e fakatoka atu eiloa ne latou kae aunoa mo se togi. Sose isi meakai faopoopo aka e togi ne koe.

●        A meakai katoa e avatu eiloa ki tou potu kae tuku i tua o tou mataloa.

●        A tino galue e taumafai o fakamalie ou manakoga mo ou fiakaiga, kae mafai foki o se taunu a mea e manako koe ki ei.

Aveavega:

●        E mafai ne koe o ota a ou manakoga mai siopu mo supamaketi. Kae mai tau fakatokaga eiloa mo tau fakatupega.

●        I lalo o Fakanofoga o te Levolo 4 mo te Levolo 3- e se mafai ne ou kaiga o olo atu o asi koe  i sose taim, sei  vagana fua o avatu ou fuaga mo vailakau.

Puipuiga:

●        A koga konei e tausi ei koe mo puipuiga konei e lei kae saogalemu. 

●        A koga puipui konei e galue ei ko tino mai te Matagaluega Ola Lei, hotelo mo tino galue mai te Malo.

Vili Telefoni:

●        Sose telefoni i te vasia o te hotelo mo potu e setogi.

●        E manakogina ke togi ne koe sose telefoni ki tua o te hotel kae togi ne koe i togi o fakanofoga o te hotelo.

●        E mafai ne koe o fakaaoga te Wi -Fi setogi mo sokotaki koe ki ou kaiga e auala i tau telefoni io me ko isi mea sokotaki.

Fulipati:

●        Kafai e manako koe ki se tino fulipati e mafai ne koe o sokotaki ki tino galue ke fakatoka ne latou te feitu tena mo koe.

KE ATAFAI KI TINO GALUE

E maina foki matou i te tulaga tenei ko te nofo puipui i fakanofoga konei o te kolenitini e tai faigata.

A omotou tino galue kola e fakafeagai i mua mo te puipuiga o Niusila mai te COVID-19 e taumafai malosi ko te mea ke puipui lei tatou katoa mai te tulaga fakamataku tenei. Fakamolemole amanaia kae galue fakatasi mo latou i te taumafaiga tenei.

Konei nisi o fakanofoga taua e tau o tautali ki ei mana nofo koe i te MIQ:

1/E tapu te tiakina ne koe

E tau eiloa mo koe o nofo i te koga Fakatafa Puipui Klenitini MIQ  i te 14 o aso, kae e tapu e tiakina ne koe i sose taimi, e seai foki se fakamasakoga.

2/ Nofo iloto i tou potu

Ke mafai o fesoasoani ki te puipui o te pisi o te COVID-19 Koe mo nisi i loto i tou potu e tau eiloa o nofo i loto i taimi katoa.

3/ Seai Malo asiasi

E tapu sose tino e vau o asi koe. E tapu foki sose tino i loto i tou potu e fano ki se isi potu o sose tino vagana ko latou ko saoloto i tou vasiatausi.

4/Pei te mask

E se mafai ne koe o pei sose mask ne fanatu mo koe mai tou fale. Na ko te mask tela e tuku atu i konei e mafai ne koe o pei e puipui ei koe.

E manakogina muamua ke pei te mask ne koe koi tuai o tala tou mataloa. Kafai foki e talatou mataloa o puke mai au meakai, o tuku au kaiga ki tua io me ko asi koe ne te tokita e uiga mo te COVID-19.

E manakogina foki ke pei tou ufifoliga manafai ko tiakina ne koe tou potu o fano o puusi io me sala matagi felesi.

5/ Tausisi te Lua Mita Vasia

Kafai ko fano koe ki tua mo tou potu, masaua o tausi te lua mita vasia mai sose tino. Tausi te vasia tenei i taimi katoa.

6/ Kai i loto i tou potu

I taimi katoa e tau eiloa mo koe o kai i loto i tou potu. Fakamolemole e tapu te kai i tua.

7/ Fakamau taimi e fano ei koe o puusi i tua

E tapu te puusi i loto i te potu.

Kafai e manako koe o puusi- e manakogina ke fakamau te taimi puusi. E fakasino atu ne tino galue te faiga tenei.

 E maua foki se koga faka agiagai ki matagi lelei i konei. E mafai o fakailoa atu manafai e manako koe ki te koga tenei.

8/ E tapu te fakaaoga fakatasi sosemea

E TAPU TE FAKAOGA FAKATASI o sikaleti, afi,meakai, mea inu io me sose mea- mo sose tino.

9/ Fakailoa ki tino galue manafai koe ko masaki.

Masaua, kafai koe ko masaki io me see malosi i sose taimi, fakailoa ki tino galue me manakogina ne koe se fesoasoani.

E mafai ne koe o fakaaoga o telefoni ki tino tuu o te vaiataimi tena mai tau telefoni mai tou potu.

E tapu te fano ki tua i te ofisa.

Tou Olalei mo te Ola Saukatoa.

Se tulaga masani eiloa ko te oko mai o te gafuia i te taimi o te puipuiga.

Nisi tino e tai faigata eiloa kia latou ilo nisi tino, tela la e taua ke kilo lei ki te malosi o te mafaufau manafai ko gafuia e pena foki te foitino manafai ko se malosi.

I taimi e nofo ei koe i konei, ka asiasi mai faeloa a te potukau konei o siaki koe. Ka kilokilo foki latou ki te tulaga o te ola saukatoa o koe i taimi katoa. 

E isi se Wi-FI setogi i loto i konei tela e fakamalosi atu ke fakaaoga manafai ko manakogina se fesoasoani o faipati mo se tino.

E isi foki nisi fesoasoani kona e maua ne koulua i fakatokaga konei, ki nisi o matagaluega kola e mafai o fesoasoani kia koe.

Avakaaga o Nisi Manakoga.

E isi foki nisi auala e mafai ei o fakaoko a semaliega o koe i tou nofo i loto i te MIQ.

E isi ne numela o telefoni o latou i loto Koga Puipui konei e mafai o faipati koe ki ei mo nisi o manakoga fesoasoani, kae isi foki eiloa fakanofoga manafai ko isi se mea e semalie koe ki ei, ke mafai o avaka ne koe ke maua se tali.

TELA LA fakamolemole e manakogina ke masaua ne koe o tausi ki fakanofoga o te Minisituli O Te Ola Lei:

1) Mulu ou lima i taimi katoa

2) Fakaaoga mask i taimi katoa o puipui koe

3) Masaua te app tenei ko te tracer o faulu ki tau telefoni ke iloa ei a koga katoa e fano koe ki ei

4) Kafai ko masaki koe io me pokotia ne te fulu fano o siaki.

FAKAOTIGA

Ke manuia tou nofo i loto i konei. Fakamanuia atu te Atua kae nofo saogalemu.

Mo nisi o fakamatalaga e uiga ki tou nofo i te koga Fakatafa Puipui Kolenitini- MIQ- E mafai ne koe o faitau i fakamatalaga kona e avatu kia ko