Breadcrumbs
Home ›
Being in managed isolation
›
Translations
›
Entering from the community
›
Community cases and close contacts information
...
›
Cook Islands Māori
Cook Islands Māori
Translation of information for community cases and close contacts
Video Transcript
Te au apinga puapinga ka anoano’ia koe kia kite ia koe I roto I te ngai akatakake’anga MIQ
Kia Orana Tatou Katoatoa
Penei I teia tuatau, te akateateamamao nei tetai pae ia kotou no te tomo atu ki roto I tetai ngai akatakake’anga no tetai o teia nga tumu puapinga. Kua kitena ia atu te Covid I runga ia koe, me kore ra kua vaitata atu ana koe ki te pae I tetai tangata maki.
Ko te akakoro’anga o teia au ngai akatakake’anga MIQ koia no te akapapu atu e, kare e maki I runga ia koe, I mua ake ka oki akaou atu ei koe ki rotopu I te iti tangata.
Ko teia au ngai akatakake’anga MIQ, tetai au ngai puapinga roa atu no te paruru atu’anga I te toto’a’anga o teia maki covid, e pera te paruru atu’anga I to tatou iti tangata.
Te akameitaki atu nei matou ia koe, no taau tuanga I te paruru’anga ia koe, toou ngutuare tangata, toou au taeake I runga I te ngai angaanga e pera te iti tangata.
Ei tauturu atu ia koe, ia koe oki I roto I teia ngai akatakake’anga MIQ – me ka tika akapou atu I tetai tuatau no te tatau atu’anga I teia au kapi akakitekite’anga.
Te au apinga kia apai atu koe
Te tamanako atu nei matou e kia apai mai koe I te au apinga katoatoa ka anoano koe no te au ra rava rai o toou oraanga mei te:
- Kakau - kia rava no tetai 3 epetoma e roa atu.
- Vairakau: Me ka tika apai ua rai i te au vairakau, e te ua (katu) taau e kai ana, no tetai au turanga maki takake atu mei te Covid.
- Te apinga taau e taangaanga ana i roto i te are pai: tooth paste, uru nio, pua, maro vaine e te vai atura, auraka e ngaropoina i te apai atu i te reira
- Tetai au apinga ei tavarenga atu ia koe, e tetai ua atu tamariki, te ka aru atu ia koe ki roto i teia ngai akatakake’anga. Apai atu i tetai ua atu apinga tavarenga e tetai ua atu apinga kia rauka ia koe i te ta angaanga atu no te puka puka atu ki toou ngutuare tangata e toou kopu tangata ia koe e noo ra ki roto i toou pi’a
Te Akateretere’anga o te au ngai akatakake’anga MIQ
Noatu oki e kua akanoo’ia teia au ngai akatakake’anga ki roto I tetai au Otera, kare te akateretere’anga e mei te Otera ra.
Pi’a
- E pi’a toou ka akataka’ia no toou tuatau i roto teia ngai akatakake’anga.
- Ka aru rai te pia ka akataka ia atu noou, ki runga i te maata i te tangata, me e tangata ke atu oki tetai ka aru atu ia koe
TV e te WIFI
- E TV e te wi-fi tutakikore, to roto i teia ngai akatakake’anga
Kakaumoe
- Teia rai te ngai moe’anga, penei ra e, ka inangaro koe i te apai atu i tetai au apinga ke atu no te kainga mai,
- kia maru atu toou noo’anga ki konei.
Kai
- Ka kavea ia atu taau kai ti i te popongi, katikati i te avatea, e te kaikai i te aiai kare koe e tutaki I te reira. Ko tetai ua atu kai e te vai inu takake taau ka pati atu, naau rai e tutaki.
- Ka vaoo ia atu te reira ki vao i toou ngutupa.
- Ka tauta rai te aronga angaanga I teia ngai I te oronga atu I te kai takake no te oraanga meitaki, inara, I tetai au taime, ka ngata rai te reira.
Ka kave ia atu rai te kai:
- Ka rauka ia koe i te oko atu i te kai kia kave’ia mai, mei ko mai i te au toa rikiriki e te toa mamaata i te pae mai i teia ngai Akatakake’anga e noo ra koe. Naau rai teia e tutaki atu.
- I raro ake I teia turanga akateretere’anga 4 e te 3, kare e akatika’ia toou kopu tangata kia kave kai atu naau. (mari ua ra no te tiki e te kave vairakau).
Tiaki Paruru
- Ko te ngai akatakake’anga MIQ, kua paruru’ia te reira.
- Ko te au tangata angaanga i roto i teia ngai, e au tangata mei roto mai i te Pae paruru e te rapakau maki, e te aronga angaanga o te Otera, pera tetai au tangata angaanga, mei roto mai i tetai au mangamanga takake atu o te Kavamani.
Taangaanga’anga I te Taniuniu o teia ngai
- Ko te ringi’anga mei tetai pia ki tetai, kare e tutaki
- No te ringi atu’anga ki tetai au numero I vao ake I teia ngai MIQ, ka tiati ia rai koe I te moni e tiati ana te Otera.
- Ka rauka rai ia koe I te taangaanga atu I te WIFI a teia ngai na runga ra I taau uao rai taniuniu me kore ra roro uira.
Uri reo
- Me ka anoano koe I tetai tangata uri reo, komakoma atu ki te au tangata e angaanga nei ki roto I te ngai e noo ra koe. Na ratou e akanoo mai I tetai noou.
Aroa atu I te Aronga angaanga
Kua marama ua matou e ko te noo’anga ki roto I teia ngai akatakake’anga, ka manga pakari rai te reira e penei ka taii rai.
Ko te Aronga angaanga I roto I teia ngai, ko tetai teia o te akapapa’anga tangata mua no te kimi atu’anga I te rāvenga kia kore te Covid-19 e tomo mai ki roto nei I teia Basileia. Ko te akaatinga’anga teia a teia pupu tangata, no reira taokotai atu kia rātou I ta rātou e rave ra, I te pāruru ia tatou.
Teia tetai au Akateretere’anga, te ka anoano’ia kōtou kia aru atu, ia kōtou I roto I te ngai akatakake’anga MIQ:
1. Auraka e akaruke atu I teia ngai
Kare koe e akatika’ia I te akaruke atu I teia ngai no tetai ua atu tumu, I roto I te tuātau 14 ra tei akanoo’ia noo kia noo ki konei.
2. Noo ki roto I toou pia
Ei rāvenga no te pāruru atu’anga kia kore te Covid-19 e totoa, ka anoano ia koe, e tetai ua atu I roto I toou pia, kia noo ua rai ki roto I toou pi’a.
3. Kare e manuiri e akatika’ia
Kare e manuiri e akatika’ia ki atoro atu ia koe. Auraka e akatika atu I tetai ua atu tangata ke atu kia tomo atu ki roto I toou pia, mari ua e tangata rai tei akataka’ia kia noo ki roto I toou pia.
4. aao ua rai I te pāruru kapumata
Kare koe e akatika’ia I te apai atu I toou uao rai pāruru kapumata. Na teia ngai akatakake’anga rai e oronga atu I te pāruru kapumata.
Ka anoano’ia koe kia aao ua rai I te pāruru kapumata I te au taime rava rai ka uaki atu koe I te ngutupa. Ko teia katoa te ka anoano’ia kia rave’ia I te tuātau e rave maira koe I taau kai mei vao mai, e te taime e akaruke atu ei koe I tetai apinga ki vao I te ngutupa, me kore ra I te tuātau ka takai atu koe ki vao no tetai ua atu akarakara’anga ka anoano’ia atu koe e te Taote.
Ka anoano katoa’ia koe kia aao atu I te reira me aere atu koe aaere na vao, me kore ra I te tuātau kai aavaava.
5. Akanoo ua rai te mamao 2 metera mei tetai ua atu tangata,
Me topa mai koe kia vao ake I toou pia no tetai ua atu akakoro’anga, akanoo ua rai I te mamao 2 metera mei tetai ua atu tangata I te au taime rava rai.
6. Kaikai ua rai ki roto I toou pi’a
I te au taime rava rai, ka anoano’ia koe kia kaikai ua mai rai mei roto I toou pi’a. Me ka tika, auraka e kaikai ki vao
7. Tapao atu I tetai tuātau kai avaava noou
Auraka e kai avaava I roto I toou pi’a.
Me ka inangaro kai avaava koe, tapao atu I tetai tuātau no te reira. Na te Aronga angaanga I roto I teia ngai e akakite atu e ka akapeea koe I te tapao atu’anga I toou tuātau kai avaava.
Te vai nei tetai ngai aaere'anga no tetai reva ou, i ko i te ngai e noo ra koe. Na te aronga angaanga rai e akakite atu kia koe e, me ka anoano'ia koe i te tapa'o atu i tetai tuatau noou.
8. Auraka e raverave Kapiti I tetai ua atu angaanga
AURAKA RAVERAVE KAPITI atu I te au angaanga mei te kai avaava, tungitungi’anga avaava, kaikai, inu vai, e te vai atura ma tetai tangata ke atu.
9. Akakite atu ki tetai ua atu tangata me makimaki koe.
Auraka e ngaropoina, me kare koe e meitaki ana, akakite atu ki tetai uatu tangata angaanga I roto I teia ngai akatakake’anga e ka tae atu te tauturu.
Ka rauka ia koe I te rīngi atu ia rātou na runga I te taniuniu a teia ngai akatakake’anga I roto I toou pi’a.
Auraka e aere atu ki ko I te Opati I mua.
To'ou Turanga Oraanga Kopapa e te koropin'anga i te reira
Ko tetai tūranga rai teia e tupu ana I roto I au ngai akatakake’anga.
Te vai nei tetai au tangata, kare rātou e kino roa I teia tūranga apai’anga ki runga I te manako, inara, ka anoano’ia tatou kia akaraka matatio I to tatou tūranga maki Popoa(mental Health) e pera to tatou tūranga oraanga kopapa.
I toou tuātau I roto I teia ngai, ka akarakara putuputu’ia te tūranga o toou oraanga kopapa.
Te vai nei te WIFI kare e tutaki I roto I to mātou au ngai akatakake’anga rava rai. Ka rauka ia koe I te taangaanga atu I te reira, no te Pukapuka atu ki tetai ua atu tangata tauturu mei vao mai.
I roto katoa I te Ko’u akaaraveianga, te vai ra te akakitekite’anga no runga I te au tauturu ka rauka ia koe I te atoro atu no toou anoano.
Te au Manamanata e kitena mai nei
Te vai nei tetai au rāvenga no te tauturu atu ia koe, I toou tuātau I roto I teia ngai akatakake’anga, me kare oki koe e mataora ana.
Te vai nei oki tetai akapapa’anga me ka inangaro koe I te tuku atu I tetai akapekapeka’anga no tetai ua atu apinga. Te vai katoa ara ra oki te nūmero o tetai au neti me kore ra au tangata e angaanga nei ki roto I tena ngai e noo ra koe, ka rauka I te tauturu atu ia koe. Ringi atu ia rātou.
TE MEA OPENGA me ka tika, aru ua rai I te au akaue’anga a te Pae Rapakau e te Paruru:
- Orei ua rai I toou rima I te au taime rava rai
- Aao ua rai I te pāruru kapumata
- Tuku atu I te Tracer app ki runga I taau taniuniu, kia rauka ua rai i te rekoti i te au ngai taau ka aaere atu.
- me te kite ra koe I te au akairo flu, me kore ra kare koe e meitaki ana, aere atu kia test ia koe..
Akamaroiroi i toou tuatau ki roto i teia ngai.
Te Atua te Aroa
Ko te au akakitekite’anga no runga i teia ngai, tei roto te reira i te Ko’u Akaaravei’anga tei tukuna ia atu kia koe.